ΕΓΧΕΙΡΗΣΗ ΣΚΩΛΗΚΟΕΙΔΙΤΙΔΑΣ
Μίαν ο Γιάννες εταξίδευεν με έναν λεωφορείον. Απέναντί ατ΄ εκάθοντουν έναν έμορφον κορίτζ με μίνι,η Παρθένα.. Ο Γιάννες πρώτα ετέρεσεν τα ποδάρα τη κοριτζί. Η Παρθένα αμάν εγνάψεν ότι ο Γιάννες ευτάει μπανιστήρ και λέει ατον:
-Αν δίσμε, κύριε, εκατό φράγκα θα σκώνω την φούστα μ΄ δυο δάχτυλα κι άλλο απάν.
Ο Γιάννες εδέχτεν και εδέκεν το κατοστάρ΄ς σο κορίτζ.
Το κορίτζ έσκωσεν την φούσταν ατς δυο δάχτυλα απάν και είπεν΄ς σον Γιάννε:
-Κύριε, αν δίσμε έναν πεντακοσάρ θα δεκνύζω σε το μέρος που εποίκα εγχείρηση σκωληκοειδίτιδας.
Ο Γιάννες εδέχτεν και έβγαλεν εδέκεν το πεντακοσάρ΄ς σην Παρθένα. Εκείνο την ώραν εσταμάτσεν το λεωφορείον, το κορίτζ εκατήβεν, εδέκνυσεν έναν κλινική και είπεν:
-΄Σ σ΄αβούτο την κλινικήν εποίκα εγχείρηση σκωληκοειδίτιδας!
Ο Γιάννες εγούζεψεν, ελάισεν το κεφαλν ατ΄και ενούν τσεν:
-Καλά να παθάνω, τη γαρή πολλά ΄κι πρέπ να πιστεύω!